正當韓國mers不斷有新增確診個案，我個inbox都不停有人[諮詢意見]～每一個句嘅開頭:我有睇開你page㗎！
之後嗰part不外乎係:可唔可以幫我問吓醫生意見？我仲應唔應該去韓國？我俾哂錢拎哂假㗎啦！
老老77，你真係睇開我個page？你真係知自己問乜？如果係，我真係好很傷心，作為一個曾經經歷過03年沙士嘅香港人，明知嗰邊衛生意識比較唔理想，你仲要專登走去搏吓？如果你係工作上需要去嘅，都冇辦法，唯有叫你小心啲，保護好自己～但你有得揀去玩定唔去玩，你居然仲要諗？
我哋知道嘅等如你喺新聞上睇到嘅一樣，都係一樣咁一知半解，你問我個旅遊建議類似紅色外遊警示但又唔係警示，咁即係仲去唔去旅行好？大佬呀，科哂水俾你啦～你去到，中咗嘅話，你可能死唔去呀，但係你身邊啲人呢？
錢冇咗，你搵得返～
去旅行玩啫，唔駛搵命搏嘛？
我寧願而家俾人笑誇張懶緊張，都好過到有事嗰時先後悔！
唔好再問我，我好嬲呀！
Search